234 FABLES D'ESOPE

Luy présentant une coingnée Toute d'or jusqu'à lapoingnée, Que le bon homme refusa ; Dont Mercure moult l'en prisa Et luy présenta la seconde, ♦ Toute d'argent ; mais rien du monde De convoitise en luy n'entra. Après Mercure luy monstra Celle pourquoy il pleuroit tant, Dont le bon homme fut content, Ne demandant que ceste là. Lors Mercure, voyant cela. Pour telle bonté guerdonner, Toutes les trois luy va donner.

Un autre, voulant faire esprcuve Si tel bon heur ainsi se treuve, Sa coingnée en l'eau choir laissa. Adonc Mercure s' address a Vers luy, et comme caut et fin Monstra la coingnée d'or fin. Que l'autre pour sienne clama, Dequoy Mercure le blasma ; Et, pour avoir menti ainsi, Il n'eut l'une ne l'autre aussi.

�� �